FERSKE SCENER: Vara Valvi
Njukčamánu 10.b. tii. 21.00
Black Box teater, Stuora lávdi
Vara Valvi lea searvi buohkaide geas lea varra.
Eahpediehttevašvuođa seaguhus suohttasiin ja duođalašvuođain gieđahallá Vara Valvi dakkár fáttáid: gullevašvuođa, servvodaga, kultuvrralaš duogáža ja kultuvrralaš boahtteáiggi.
Varra ja servvodat – mo sáhttit duddjot oktiigullevašvuođa?
Vara Valvi lea performatiiva dáhpáhusráidu mas artisttaid ja geahččit ovttas guorahallat min kontradiktoralaš oktavuođa genetihkain ja kultuvrrain, ja eandalii áiddostahttá sámi ja dáža kultuvrra dán olis.
Dán deaivvadeamis ohcat buot alimus oktiigullevašvuođa dovddu: Šaddat oktan. Mii duddjo nana servvodaga? Varra lea suohkadat go čáhci, dát goit lea duohta. Vara Valvviin diktit iežamet gieđahallat hui duođalaš fátta sihke persovnnalaš, irrelevánta ja muhtomin ironalaš vugiiguin.
Vara Valvvi njeallje jođiheaddji – Sigbjørn Skåden, Kristina Junttila, Bernt Bjørn ja Kristin Bjørn ovddastit njeallje davvieatnama arketiippa: «Sámeaktivista», «Dutki», «Dáruiduhttinoaffár» ja «Dáža sivalašvuođadovddu guoddi». Dán čoahkkimis viggat ovdánahttit dáid «tiippaid» rollan mat čujuhit boahtteáigái. Mii geahččalit ovdanbuktit vejolašvuođaid, várra vel utopiijaid, mat sáhttet boahtit dáid tiippaid sadjái. Leat sártnit, hárjehusat, musihkka garrarohkkajoavkkuin Ondt Blod, vuolla, buorideapmi ja allakultuvra. Ozadettiineamet duohta Vara Valvvi dovddu seaguhit varramet juohke guvlui.
Ferske scener lea Romssa gávpoga gullevaš joavku mii ráhkada lávdedáidaga, deaivvademiid ja dáhpáhusaid main áiddostahttá erenoamáš davveguovllu fáttáid, muitalusaid artisttaid ja gehččiidjoavkkuid. Joavku hábme teáhtera ja eará ovdanbuktimiid main deattuha gehččiid oasseváldima. Prošeavttaidisguin Ferske scener čuvgeha davvi Norgga gielalaš ja kultuvrralaš máŋggabealatvuođa.
Bistin: 120 min. Gielat: Norwegian.
Vara Valvvi jođiheaddjit: Sigbjørn Skåden, Bernt Bjørn, Kristin Bjørn, Kristina Junttila. Guossit: Hilde Kristin Liu Skoglund ja Ondt Blod. Joavkkus leat: Aslak Heikka Hætta Bjørn, Alexander Våga Mortensen, John Nilsen, Håvard Rushfeldt, Jørgen Store Johansen. Buvttadeaddji: Marianne Siljuberg. Doarjaleaddji: Kulturráđđi.