Laakkuluk Williamson Bathory, Cris Derksen ja Christine Tootoo:
Ikumagialiit (sii guđet dárbbašit dola)
Njukčamánu 9.b. tii. 21.00
Black Box teater, Stuorra lávdi
Ikumagialiit (sii guđet dárbbašit dola) lea dáidda performance joavku njeljiin olbmuin: Laakkuluk Williamson Bathory, Cris Derksen ja Christine Tootoo. Ikumagialiit lea egáliteara joavku njeljiin nana nissoniin iešguđetge suorggis, iešguđetge buolvvas. Go áiddostahttet jearaldaga mo láhččit saji ballui go deaddu lassána, šaddá Ikumagialiit metaforalaš bossun, oahppá fávllis vuoigŋat ja guorahallá inuhkaid mediterenvugiid ja vuoiŋŋalaš gálgaoahppama vai mátkkis birgejit.
Laakkuluk Williamson Bathory lea dáiddár gii geavaha uaajeerneq (Kalaallit Nunaatlaš hápmadánsun) ja inuhkaid máilmmiáddejumi máŋgga suorggis, sihke performancedáidagis ja teáhteris, čállimis ja kuráhtorbarggus. Laakkuluk lea Qaggiavuut-searvvi vuosttáš jođiheaddji. Qaggiavuut lea ideála searvi Nunavutas mii doarju inuhkaartisttaid ja mii bargá Nunavuta lávdedáiddaguovddáža huksema ovdii.
Cris Derksen, álgoálggus Davvi-Albertas, lea áhčis bealde NorthTall Cree hoavdasogas, ja eatnis bealde mennonihtálaš dállodoallisogas. Cris lea cellista ja komponista mii bárgida árbevirolaš musihka ja ođđaáigásaš elektronikamusihka oktii iežas klassihkalaš musihkkamáhtuin ja álgoálbmotduogážiin, ja dá ná duddjo šáŋŋerrasttildeaddji musihka.
Christine Tootoo lea ovddolaš ja čalbmáičuohcci teáhter- ja filbmaneavttár. Son lea johtán rumbbojeaddjin ja čottalávlun Inuksuk Drum Dancers-joavkkuin Ottawas, Iqaluitas ja Kalaallit Nunaatas, ja son čuojaha boallogeasanasa, ja bagada dovddus Nunavut-meaštiriiguin Simeonie Keenainak, Zeebedee Nungaq ja Jeannie Nungaq.
Bistin: 50 min